حمل الان كتاب شرح المواريث + الجدول الميسر لها + خطوات حل المسائل

اولا

خطوات حل مسائل المواريث طبعا دى حاجة مختصرة

الخطوة الاولي
وهي القيام بتحديد الورثة ودا هيكون من خلال اننا نحفظ الفروض ونشوف مين هيتحرم ومين هيحجب ومين هيأخد كام وكل دا ف الكلام الا فات الا هو الفروض العصبات

الخطوة الثانية
وهي القيام بتحديد نصيب كل وارث مع مراعاة الورثة اللى معاه يعني نشوف اللى معاه دا ينقص منه ولا مش يأثر عليه ودي ممكن تكون المشكلة في ان المسألة لها تطلع غلط لو مش ركزنا في فروض كل وارث
الخطوة الثالثة
وهي التعليل يعني بنذكر ليه كل وارث اخذ النصيب او الفرض دا
الخطوة الرابعة
وهي الاتيان بأصل المسألة وهى كالتالي
اصل المسألة يكون من هذه الاعداد ( 2 ، 3 ، 4 ، 6 ، 8 ، 12 ، 24 )
طيب قالك لما تلاقي السدس والثلث 1/ 6 و 1/3 في المسألة يبقى اصل المسألة اللى هتشتغل بيه هو ستة 6
ولما نلاقي النصف والسدس 1/2 و 1/6 يبقى اصل المسألة 12ولو الفروض كانت الثمن والسدس والنصف 18 و 16 و 12 و 14 بيكون اصل المسألة 24
يعني مش عايزين ناخدها بالحفظ بس هو قال بنجرب الارقام بتاعة اصل المسالة وبندء بالصغير يعني من الـــ 2 ونشوف هتقبل القسمة ع كل الفروض ولا لا ما نفعش الرقم دا نأخد الا بعده وهكذا
الخطوة الخامسة
وهي الاتيان بنصيب كل وارث من المذكورين في التركة يعني دي ليها خطوتين الاولي اننا هنعمل ايه ؟
هنقول مثلا فرض الزوج وليكن 1/4 ماشي و اصل المسألة 12 طيب عاوزين نطلعه رقم صحيح نعمل ايه
هنقسم اصل المسألة علي 4 اللى هي المقام وبنكتب الزوج يساوي 12 علي 4 = 3 وهكذا
الخطوة السادسة
نأتي بقيمة السهم الواحد وهو يساوي ( قيمة التركة التي تركها المتوفي (علي) اصل المسألة بعد كدة عاوزين نعرف كل وارث هيأخد كام هنقول ( نصيب مثلا الزوج ) = هنكتب نصيبه اللى هو طلع 3 فوق اهو ونضربه في قيمة السهم الواحد فان اصل اى مسألة مواريث يكون هو الرقم الذى يقبل القسمة على مقامات انصبة الورثة جميعا اقرب رقم يقبل القسمة علما بأن أصول مسائل المواريث هى : 2 ، 3 ، 4 ، 6 ، 8 ، 12 ، 24 لايوجد اصول غيرها اى اصل اى مسالة مواريث لابد ان يكون احد هذه الارقام نختار من بينها ما يقبل القسمة على مقامات كل نصيب مستحق والمثال على ذلك لو ان المسالة بها بنت و ام و زوجة يكون اصل المسالة ( 24) لماذا ؟ لان ( 24 ) تقبل القسمة على مقام نصيب البنت وهو 1/2مقامه 2 كما تقبل ( 24 ) القسم على مقام نصيب الام وهو 1/6 مقامه 6 كما تقبل ( 24 ) القسمة على مقام نصيب الزوجة وهو 1/8 مقامه 8
( علما بان النصيب دائما يكون كسر اقل من الواحد والكسر يتكون من رقمين مثل 1/2 فالنصف هو كسر له بسط ومقام البسط هو الرقم فى الاعلى وهو ( 1 ) والمقام هو الرقم فى الاسفل وهو ( 2) نحدد عدد اسهم كل وارث وذلك بضرب اصل المسألة فى قيمة نصيب الوارث والمثال على ذلك لو ان اصل المسالة 24 فى المثال السابق فيكون عدد اسهم البنت ونصيبها 1/2 = 24 × 1/2 = 12 سهم
ويكون عدد اسهم الام = 24 × 1/6 = 4 اسهم
ويكون عدد اسهم الزوجة = 24 × 1/8 = 3 اسهم
نجمع عدد اسهم الورثة
اى مجموع اسهم كل الورثة وهذه الخطوة ضرورية جدا
لكى نحدد هل يتبقى من التركة شىء بعد اصحاب الفروض وعليه نحدد نصيب الورثة بالتعصيب والمثال على لك اذا جمعنا عدد الاسهم للورثة جميعا فى المثال السابق نجده :
12( اسهم البنت ) + 4 ( اسهم الام ) + 3( اسهم الزوجة) يكون مجموعهم 19 سهم وبالتالى يكون الباقى من التركة = اصل المسالة – مجموع الاسهم = 24 – 19=5 وهو نصيب من يرث تعصيبا
نحدد قيمة كل سهم
اى قيمة السهم الواحد وذلك بأن نقسم قيمة التركة ÷ اصل المسألة
والمثال
على ذلك فى المثال السابق لو فرضنا ان قيمة التركة = 480 الف جنيه
نقسم
480 ÷ 24 ( اصل المسالة ) = 20 الف جنيه اى قيمة السهم الواحد هى 20 الف جنيه
الخطوة الاخيرة
نحدد نصيب كل وارث وذلك بضرب قيمة السهم الواحد التى حسبناها فى الخطوة السابقة × عدد اسهم كل وارث
المثال على ذلك فى المثال المعروض
لمعرفة نصيب البنت = 20000 جنيه
( قيمة السهم الواحد ) × 12 ( عدد اسهم البنت ) = 24000 جنيه
وبس كدة خلاص
طيب خلصنا عايزين نتأكد ان ما قمنا به صحيح ؟
هنجمع سهام الورثة كلها اللى هي الخطوة الاخيرة خالص اللى هي يعني نصيب كل وارث ف الاخر طلع كام نجمعهم ولازم يعطونا قيمة التركة التي تركها المتوفي كاملة لو ما طلعش الناتج زي قيمة التركة يبقى العيب اما ف الفروض او اصل المسألة ولازم نعيدها تاني
وهو قال مش هيجيب مسائل معقدة اوي بس قال لازم نركز ف الفروض واصل المسألة لانهم هما الاساس اللى بتتبني عليه فاذا صلح صلحت باكملها
كيفية توحيد المقامات تاني
اذا كان ف المقام 3 ، 8 ، 6 يبقى اصل المسالة 24
اذا كان ف المقام 4 ، 3 ، 6 يبقى اصل المسالة 12
عدا ذلك نوحد على الرقم الاكبر يعني مثلا 1/6 و 1/2 يبقى الاصل = 6
لو 1/8 و 1/4 يبقى الاصل = 8 اما دى اما ايدك تاخد على الحل بتاع المسائل
العول :

هو زيادة فى عدد أسهم أصحاب الفروض والنقص فى مقادير أنصبائهم.
فأصل المسألة تنحصر فى سبعة وهى:
(2-3-4-6-8-12-24)
العول ينقسم إى:
1- أصول المسألة لا تعول (2-3-4-8)
2- أصول المسألة قد تعول (6-12-24)
مثال عول 6:
ماتت وتركت:
زوجا – أختين شقيقتين
للزوج: 1/2 للعدم وجود الفرع الوارث.
الأختين شقيقتين: 2/3 للتعدد وعدم وجود الفرع الوارث أوالأب وعدم وجود من يعصبها.
أصل المسألة 6
للزوج :1/2 ×6=3
والاختين:2/3 ×6 = 4
فعالت المسألة: 7
مثال عول 12:
توفى وترك:
زوجة – أختين ش-أختين لام
للزوجة :1/4 للعدم وجود الفرع الوارث
الأختين ش: 2/3 للتعدد وعدم وجود الفرع الوارث أوالأب وعدم وجود من يعصبها.
الاختين لام:1/3 للتعدد وعدم وجود الفرع الوارث أو الأصل الوارث.
فأصل المسألة 12
للزوجة:3
للاختين ش:8
الاختين لام:4
أصل المسألة: 12
عالت إلى 15
مثال عول 24:
توفى وترك:
زوجة- بنتين ص- أبا – أما
للزوجة: 1/8لوجود الفرع الوارث.
للبنتين ص:2/3 للتعدد وعدم وجود من يعصبها.
الأب: 1/6 فرضا .
الأم: 1/6 فرضا للوجود الفرع الوارث.
أصل المسألة24
للزوجة:3
للبنتين ص:16
الأب:4
الأم:4
عالت المسألة 27

2-تصــــــــــــــحيح اصل المسألة هو: تحويل أصل المسألة أو عولها إلى أقل عدد يمكن أن تأخذ منه السهام صحيحة قابلة للقسمة على أصحابها.
* طريقة التصحيح *
إذا لم تنقسم سهام بعض الورثة على عدد رؤوسهم
1- فإذا كان بين هذا الفريق وبين سهامه مباينه
( ألا ينقسم أحدهما على الأخر ولا يقسهما عدد ثالث غير الواحد ك 2مع3)
فاضرب عدد الرؤوس × أصل المسألة أوعولها
مثال:
توفى وترك:
زوجة – 2 أخوين ش
للزوجة :1/4 للعدم وجود الفرع الوارث.
للأخوين: الباقى تعصيبا.
أصل المسألة: 4
للزوجة: 1/4×4= 1
للأخوين:الباقى 3/4×4= 3
والثلاثة لاتقبل القسمة على الأخوين
التصحيح:
فاضرب عدد الرؤوس × أصل المسألة = التصحيح
2 × 4 = 8
للزوجة: 1/4×8= 2
للأخوين:الباقى 3/4×8= 6

2- فإذا كان بين هذا الفريق وبين سهامه موافقة(ألا ينقسم أحدهما على الأخر ويقسهما عدد ثالث غير الواحد ك 4, 6 العامل المشترك بينهما 2) أو تداخل (أن يقسم الأكثر على الأقل قسمة صحيحة بلا كسر ك 3 مع9 ) فاضرب العامل المشترك الخارج من بين عدد الرؤوس ومن عدد السهام × أصل المسألة أوعولها
مثال:
توفى وترك:
زوجة – 6 أخوة ش
للزوجة :1/4 للعدم وجود الفرع الوارث.
للأخوة: الباقى تعصيبا.
أصل المسألة: 4
للزوجة: 1/4×4= 1
للأخوة:الباقى 3/4×4= 3
والثلاثة لاتقبل القسمة على الأخوة
التصحيح:
فاضرب(العامل المشترك )الخارج من بين عدد الرؤوس ومن عدد السهام × أصل المسألة = التصحيح
2 × 4 = 8
للزوجة: 1/4×8= 2
للأخوة:الباقى 3/4×8= 6 لكل أخ سهما واحدا.

ثانيا

كتاب المواريث

حمل الكتاب من هنا

http://www.archive.org/download/mwareth/mwareth.pdf

ثالثا

الجدول الميسر لشرح المواريث

الجدول الميسر في الفرائض (1)