اشتباكات خطيرة فى مركز منية النصر بالدقهلية واصابة العديد من بينهم ضابط شرطة بسبب لعبة اطفال

وقع اليوم الاحد داخل مدينة منية النصر احداث شغب خطيرة قد اسفرت عن العديد من الاصابات من بينها اطفال وضابط شرطة تم اصابته بطلق نارى

فى لقاء لموقع رجل مصر من قلب الاحداث مع شهود عيان

م ـ أ 23 سنه

اللى حصل اننا فوجئنا ببلطجية من ميت الخولى داخلين علينا وبيكسروا فى المحلات وتم تكسير كشك الجرايد ونهب ما بداخل وفورا تم الاتصال بالشرطة اللى اتاخرت اوى على ما وصلت

ر – ج 40 عام

بصراحه اللى بيحصل ده شئ مستفز للغاية يعنى لعبة اطفال بسببها يحصل كل ده وبعدين انا جيت لقيت ضرب وقنابل مسيلة للدموع وعرفت ان الحاج محمود سليمان كان اتكلم مع اهل البلد ورجعه للخلف وعلى الفور هجم اهالى ميت الخولى اللى قاموا بتكسير محل كريز ومحل اخر صاحبة من منية النصر لكن ماجر على مدخل ميت الخولى مؤمن حسبى الله ونعم الوكيل

جدير بالذكر، أن الاشتباكات ما زالت متصاعدة وسط حالة من الكر والفر بين الطرفين، فيما قام أهالى منية النصر بقطع طريق المنزلة- المنصورة أمام حركة مرور السيارات وإيقاف تام للطريق من الجهتين، وإشعال النيران فى إطارات السيارات، وذلك لمطالبة الأمن بالتدخل لفض الاشتباكات.

وومن قلب الحدث وفى الساعه 3 فجرا مع شاهد عيان اخر

م – م -24 عام

بصراحه انا هنا بقالى تلات ساعات او اكثر اللى بيحصل ده لعب فين الامن والامان ازاى بلطجية يضربوا نار على الناس

مراسل الموقع : ايه سب المشكله؟

انا سمعت ان سبب المشكله ان فى ناس اشترت لعبة اطفال وبعدين بيرجعوها وابو رضوان اللى عامل الخيمة اللى على البحر مرضيش ومن هنا بدا الضرب منذ امس

وفى ناس تانية بتقول ان ابو رضوان صاحب فرش اللعب رفض البيع لشخص من ميت الخولى وعلى اسر ذلك تم مشادة وحدث ماحدث

مراسل رجل مصر: طيب وانت ايه رايك فى اللى بيحصل ؟

بصراحه اللى بيحصل ده وقف حال للناس وعيب جدا ويجب رجوع الداخلية فورا لردع الخارجين على القانون

مراسل رجل مصر: الان وفى تمام الثالثة والنصف فجرا تكلمت الشرطة مع الموجودين ليذهبوا لبيوتهم لمساعدة الشرطة فى محاولة القبض على المخالفين

ووعد محمد بك مطر ااهالى منية النصر بمحاولة حل سريع للموضوع ولكن طلب منهم المساعدة بالذ1هاب لبيوتهم

اما فى الناحية الاخر وعلى الجانب الاخر فرجال واشخاص كثيرون من ميت الخولى مؤمن يقفون فى الجانب الاخر رافضين مغادرة المكان وقوات الشرطة والامن المركزى تفصل بينهم

من قلب الحدث محمد سمير مراسل رجل مصر

تصوير : محمد السعيد